[南丫島撞船事故] 向醫護人員致敬

南丫島撞船事故發生後，大批傷者需要轉送不同急症室。很多醫護人員雖不像消防員等在現場搜救，但他們爭分奪秒地在醫院內拯救傷者，絕對是無名英雄之一。就讓我們向他們致敬，感謝他們辛勞工作，亦希望政府能珍惜這群人才，增撥資源減輕他們的工作量。

[南丫島撞船事故] 肥胡親書感謝醫護

【明報專訊】為悼念南丫島海難死傷者，政府將噚日定為悼念日。特首梁振英噚日畀電郵醫管局主席胡定旭，請佢向參與救治海難死傷者嘅醫護人員轉達謝意。CY話，醫管局醫護嘅專業水平，同埋不計辛勞搶救傷者嘅無私精神，令佢動容，引以為傲。 肥胡收到電郵後，罕有咁用毛筆親手寫了封中文感謝信，感謝海難當晚5間急症室嘅醫護人員，一夜之間接收百幾個死傷者，醫護做到好攰但都毫無怨言。據Emily所知，有啲落咗班嘅醫護，包括急症室主管，當晚都返回醫院協助搶救。肥胡同醫管局行政總裁梁栢賢感謝醫護對傷者盡力搶救，對死者家屬細心慰問係一劑心靈良藥，佢對醫護嘅專業表現，同埋無私奉獻引以此榮。